Вакцина алу – өмір талабы
Әлемге зиянын тигізіп отырған COVID-19 індетін жеңудің ең тиімді жолы - вакцинация арқылы ұжымдық иммунитетті дамыту. Ал ұжымдық иммунитеттің үлесі 70%-дан асуы керек. COVID-19 індетімен ауырып, орталық ауруханада ем алып шыққан ауданымызға қарасты Жалтыр ауылының тұрғыны Александр Песоцкий еліміздің, оның ішінде ауданымыздың барлық тұрғындарын вакцина алуға шақырады. Себебі карантинге дейінгі қалыпты өмірге оралуымыз қажет деп ойлайды. Барлығы ыңғайлы қалыпқа келіп, бетпердесіз жүретін күндер туады деп сенеді.
Жастар марапатталды
Өткен аптада ел Тәуелсіздігінің 30 жылдығы мен Халықаралық Жастар күнін мерекелеу аясында Астрахан ауданында қоғамдық және мәдени өмірге белсенді қатысып, өңірдің дамуына үлес қосып жүрген жастар өкілдеріне құрмет көрсетілді. Шараға қатысушыларды Астрахан ауданының әкімі Нұрлан Сейілов құттықтады.